Ils 30avels Dis da litteratura 2021

 
giud via

Nua via? Betg be nus essan sin via, mabain era la litteratura rumantscha: ella avra vias, enchamina straduns da bellezza e streglias stgiras, enconuscha vias pulainas e stat savens al spartavias. Adina puspè va ella giud via e sa metta cun gust sin ils fastizs dal nunenconuschent, da l’invisibel, da l’emblidà. Tge tschertga e scuvra ella giud via?

Suenter in viadi detur han ils Dis da litteratura 2021 puspè lieu en sala Tircal a Domat: dals 5 enfin ils 7 da november 2021.

Pervia da la pandemia vegn però desistì da la tschaina e dal program da sonda saira.
Plinavant na datti quest onn era nagina canorta per uffants.

Livestream
Il program dals Dis da litteratura pudais Vus era suandar via livestream qua sin questa pagina-web.

Pretschs
Pass general: CHF 80.–, cun reducziun: CHF 60.–
Sonda entir di: CHF 50.–, cun reducziun: CHF 40.–
Bloc da mez di: CHF 20.–, cun reducziun: CHF 15.–

Moderaziun dal festival: Anna Serarda Campell

Il comité d’organisaziun sa legra d’as vesair e da far viva cun vus sin 30 onns Dis da litteratura!

La revista Litteratura 40 cumpara cun il focus “Sin via”.


Mesiras cunter Covid-19
La visita dals Dis da litteratura 2021 è be pussaivla cun in certificat da Covid-19 (vaccinà, testà u guarì). Per plaschair mussai Voss certificat (palpiri u app) ensemen cun ina legitimaziun uffiziala tar l’entrada. Persunas senza certificat na survegnan betg access al festival. I na dat nagina pussaivladad da sa testar al lieu.
I valan las reglas suandantas:
• En il sectur d’entrada, en il foyer e la halla sco er en las tualettas èsi obligatoric da purtar ina mascrina.
• Tgi che sesa e/u consumescha insatge, dastga prender giu la mascrina.
• Tar l’entrada, en il foyer e sin las tualettas stattan a disposiziun dischinfectants. Mascrinas d‘igiena pon vegnir retratgas tar il comité d’organisaziun.
• Las datas da contact na vegnan betg relevadas.
Vinavant vala: segirtad ha prioritad. Tgi che ha sintoms da Covid-19, resta a chasa. Betg dar il maun. Lavar e dischinfectar regularmain ils mauns. Tegnair distanza, sche pussaivel.
Grazia fitg per Vossa chapientscha e Vossa cooperaziun!
#staisocials


Nus infurmain era sin Facebook ed Instagram davart ils Dis da litteratura.

Venderdi, 5-11-2021

19.30 Avertura Ils 30avels Dis da litteratura van giud via. Pled d’avertura da Flavia Hobi e Walter Rosselli da l’Uniun per la Litteratura Rumantscha.
19.45 – 20.45 Concert da giubileum Las cumposiziuns da Clo Duri Bezzola èn plain allegria e strasunan in plaschair da vita uffantil. Per l’avertura dals 30avels Dis da litteratura ha ses figl Martin Bezzola arranschà las chanzuns ord «Il lung viadi» per ina band ad hoc. Cun: Ursina Giger (voc), Martin Bezzola (voc/piano), Mathias Vetter (ghit), Florian Egli (bass) ed Andi Pupato (perc) Pled introductiv da Benedetto Vigne, co-fundatur dals Dis da litteratura ensemen cun Clo Duri Bezzola (1945–2004) e Furin Spescha (1958–2000).
21.00 – 22.00 Computer, cafés e crisas – l’art da scriver Co nascha litteratura? Per incumbensa da Radiotelevisiun Svizra Rumantscha han Viola Cadruvi, Romana Ganzoni e Leo Tuor mintgamai scrit in text. Premiera dal film da Bertilla Giossi cun pled da bainvegni da Nicolas Pernet e discussiun davart il process da scriver e la genesa da litteratura. Moderaziun: Anna Serarda Campell. Cun aperitiv da premiera.

Sonda, 6-11-2021

09.15 – 09.45 Nies Tschespet 78: L’odur dalla tiara Alberto Palaia da la Surselva Romontscha preschenta l’ediziun giubilara dal Tschespet che cuntegna texts en prosa e poesias da 13 autur:as sursilvan:as. Maria Cadruvi e Rico Tambornino prelegian intgins insatgs.
10.00 – 10.30 GIUBILECTURA In microfon, in palc, ina vusch. Per il giubileum da 30 onns Dis da litteratura fa il comité in regal spezial al public. El ha incumbensà 9 autur:as da scriver in text persunal davart il tema ‹litteratura ed jau›. I legian: Iso Camartin, Asa Hendry, Göri Klainguti
10.45 – 11.15 Quartet ramoschan Mevina Puorger preschenta in’ediziun e duas reediziuns da quatter auturs ramoschans: il volum da poesias «be cun rispli» da Jachen Andry; «dis beats» cun poesias e versiuns reedidas da Jachen Luzzi e «La figlia dal cuntrabandier» dals frars Cristoffel e Jon Bardola, in raquint anticipatoric, cumparì dal 1936 e situà en l’onn 2030.
11.30 – 12.00 Panuglias da fim Il nov cudesch da Viola Cadruvi sur da la fin da la vita cumpara l’entschatta da december 2021. En questa prevista dat l’autura ensemen cun l’editur Gion Fry dad Ediziun Apart in schatg dal roman divertent.
12.00– Pausa da mezdi
13.00 – 13.30 La chesa dals sömis Anna Ratti prelegia or da ses cudesch nov. In cudesch cun blers muments magics. In’ediziun da la Chasa Editura Rumantscha. Moderaziun: Anita Capaul
13.45 – 14.15 GIUBILECTURA In microfon, in palc, ina vusch. Per il giubileum da 30 onns Dis da litteratura fa il comité in regal spezial al public. El ha incumbensà 9 autur:as da scriver in text persunal davart il tema ‹litteratura ed jau›. I legian: Gianna Olinda Cadonau, Leo Tuor, Benedetto Vigne
14.30 – 15.00 Laders, vampiras e glatscha da citrona Romana Ganzoni legia poesias e prosa curta ord «Vent per mia Vela» per far traglischar il mintgadi, per far rir, siemiar e dar tiers ch’ins na chapescha betg tut sin quest mund sgarschaivel e bel. Musica: Astrid Alexandre
15.15 – 16.30 Nua via, litteratura rumantscha? La litteratura avra vias, enchamina straduns da bellezza e streglias stgiras, enconuscha vias pulainas e stat savens al spartavias. Adina puspè va ella giud via e sa metta cun gust sin ils fastizs dal nunenconuschent, da l’invisibel, da l’emblidà. Discussiun davart la litteratura rumantscha dad oz e damaun, cun Flurina Badel, Silvana Derungs e Rico Valär. Moderaziun: Claudio Spescha
16.45 – 17.30 Fümader passiv Passivraucher Vernissascha dal cudesch nov biling da Franz Hohler. L’autur pre- schenta texts e poesias che demussan sia relaziun cun il rumantsch sur plirs decennis. In’ediziun da la Chasa Editura Rumantscha. Moderaziun: Anita Capaul e Bettina Vital. Cun aperitiv da vernissascha.

Dumengia, 7-11-2021

09.15 – 09.45 La luna nel baule La glina en l’arcun Der Mond in der Truhe Il scriptur tessinais Daniele Dell’Agnola raquinta l’istorgia d’ina ustiera bregagliotta e revelescha a moda fitg persunala ina regiun dal Grigionitaliano e sia populaziun. In’ediziun da la Pro Grigioni Italiano. Annemieke Buob discurra cun l’autur davart il transponer raquints orals en paginas litteraras.
10.00 – 10.30 GIUBILECTURA In microfon, in palc, ina vusch. Per il giubileum da 30 onns Dis da litteratura fa il comité in regal spezial al public. El ha incumbensà 9 autur:as da scriver in text persunal davart il tema ‹litteratura ed jau›. I legian: Gion Mathias Cavelty, Angelika Overath, Gerold Ehrsam
10.45 – 11.15 Chasa Paterna 139: cafè e culaischem Rut Plouda descriva cun in fin sentiment ed ina lingua viva e ritga situaziuns, lieus, umans ed animals. Ils texts – unics en lur caracter filigran e prezius – stattan en in dialog interessant cun ils dissegns da tusch genuins dal scriptur e poet Dumenic Andry. Cun in pled da: Chatrina Urech
11.30 – 12.00 30 onns Dis da litteratura «In giubileum sto vegnir festivà!» In omagi teatral-musical che dat onur cun umor. Cun: Sara F. Hermann, Flurin Caviezel e giast da surpraisa. Cun aperitiv da giubileum.
12.00– Pausa da mezdi
13.00 – 13.30 Hotel Destin Laura Schütz preschenta ses raquint istoric biling che gioga durant l’entschatta da l’hotellaria en Grischun. In’ediziun da la Chasa Editura Rumantscha. Moderaziun: Karin Kohler-Pattis
13.45 – 14.30 Plima d’aur Pledpierla Trais poetinas e fabuluns da trais regiuns rumantschas prelegian lur texts premiads da la concurrenza da scriver da la Lia Rumantscha. Moderaziun: Carmen Dedual ed Alice Bertogg
14.45 – 15.30 Il lung viadi Cun la racheta en il mund fantastic e magari scurril da Clo Duri Bezzola. Martin Bezzola, il figl da l’autur, preschenta il cudesch da chant illustrà ensemen cun la chantautura Ursina Giger e l’illustratura Pia Valär. Moderaziun: Gion Mathias Cavelty
15.30 Finiziun Il comité d’organisaziun dat il salid final.

Infurmaziun

Intent

Ils Ddl, il «Solothurn dals Rumantschs», porschan dapi l‘onn 1990 ad auturs ed auturas, ad amis da la litteratura ina plattafurma ed in‘occasiun per sa scuntrar, barattar ideas e survegnir novs impuls. Mintg‘onn vegnan preschentadas e discutadas novas ovras litteraras e lavurs linguisticas entaifer in motto general. Per il solit èn reservadas la sonda e la dumengia per la litteratura, durant che las sairadas vulan integrar er autras furmas culturalas (musica, teater, cabaret) e dar ina pussaivladad da seser ensemen tar in bierin da la bar litterara. Grazia a la derasaziun tras las medias – Radiotelevisiun Svizra Rumatscha (RTR) è noss partenari da medias – vegn cuntanschì in grond public entaifer ed ordaifer il Grischun. Ils Ddl promovan pia sco event cultural explicitamain l‘identitad culturala da la Rumantschia.

Organisaziun

Il comité dals Ddl, quai èn quatter RumantschAs che vulan mantegnair ed avanzar quest event litterar, cultural ed ussa dapi 30 onns popular. Per che las 150 valladas grischunas, lur abitants e lur idioms as possian scuntrar a Domat, lavura il comité cun bler idealissem e plaschair e per gronda part senza paja. L‘organisaziun tetgala dals Ddl è la Uniun per la Litteratura Rumantscha (ULR); ella sustegna e promova la litteratura rumantscha a moda integrala da lectorats professiunals fin la vendita da cudeschs. Entaifer la ULR è il comité dals Ddl dentant sulet respunsabel per il program, l‘organisaziun, la realisaziun e la finanziaziun dals Dis da litteratura.

Impressum

Patrunadi: Uniun per la Litteratura Rumantscha (ULR)
Comité d‘organisaziun: Nadina Derungs, Sara F. Hermann, Toni Vinzens, Ralf Beer
Creaziun: Jörger-Stauss, Annatina Nay
Programmaziun: Simon Wülser

Pressa

Communicaziun a las medias_2021_10_11-1

Kontakt

Ralf Beer, Medienverantwortlicher
beer@disdalitteratura.ch

Archiv

2020 Premi Term Bel (livestream) Telechargiar pachet dad archiv
2019 (A)mar Telechargiar pachet dad archiv / Fotografias Ddl 2019
2018 Tranter lingias Telechargiar pachet dad archiv / Fotografias Ddl 2018
2017 Gieu  Telechargiar pachet dad archiv / Fotografias Ddl 2017
2016 Rispli sin pupi Telechargiar pachet dad archiv / Fotografias Ddl 2016
2015 Cuntrabanda Telechargiar pachet dad archiv
2014 Retrorumantsch Telechargiar pachet dad archiv
2013 A la carte Telechargiar pachet dad archiv
2012 Fantisar, fabular, raquintar … e tadlar Telechargiar pachet dad archiv
2011 Litterenza – Scienzatura Telechargiar pachet dad archiv
2010 Giubilar e festa far Telechargiar pachet dad archiv
1990-2010 Giubileum Telechargiar documentaziun

Sustegn

Partenaris

Sponsurs e fauturs