Gallaria
Infurmaziun
Intent
Ils DDL, il «Solothurn dal:las Rumantsch:as», porschan dapi l‘onn 1990 ad autur:as, ad ami:as da la litteratura ina plattafurma ed in‘occasiun per sa scuntrar, barattar ideas e survegnir novs impuls. Mintg‘onn vegnan preschentadas e discutadas novas ovras litteraras e lavurs linguisticas entaifer in motto general. Per il solit èn reservadas la sonda e la dumengia per la litteratura, durant che la sonda saira vul integrar er autras furmas culturalas (musica, teater, cabaret) e dar ina pussaivladad da seser ensemen tar in bierin da la bar litterara. Grazia a la derasaziun tras las medias – Radiotelevisiun Svizra Rumatscha (RTR) è noss partenari da medias – vegn cuntanschì in grond public entaifer ed ordaifer il Grischun. Ils DDL promovan pia sco event cultural explicitamain l‘identitad culturala da la Rumantschia.
Impressum
Patrunadi: Uniun per la Litteratura Rumantscha (ULR)
Cumissiun da program: Gianna Olinda Cadonau, Viola Cadruvi, Nadina Derungs, Walter Rosselli, Rico Valär
Producziun: Gianna Duschletta, Rico Valär
Creaziun: Theres Jörger, Barbara Truog
Programmaziun: Simon Wülser
Preavis e Premi Term Bel
Ils proxims Dis da litteratura han lieu ils 7 ed 8 da november 2026 en la Postremise a Cuira – dus dis plain litteratura, inscunters ed inspiraziun. Marca la data uss en tes chalender!La concurrenza litterara Premi Term Bel ha puspè lieu
Cundiziuns
La concurrenza sa drizza a tut:tas che scrivan gugent ed han gust da preschentar lur text sin il palc a Cuira. Igl è pussaivel da metter il text inoltrà sut il motto dals Dis da litteratura 2026 «pèr a pèr», dentant pon ins er tscherner in‘autra tematica. Il text sto esser per rumantsch (idioms ubain rumantsch grischun), en prosa, nunpublitgà ed avair ina lunghezza da 5‘000- 6‘000 segns (incl. spazis). El è d‘inoltrar sco document da word fin ils 9 d’avust 2026 a premi@disdalitteratura.ch.
Andament
Ils texts inoltrads vegnan valitads e giuditgads a moda anonima d’ina pregiuria che sa cumpona d‘autur:as, translatur:as, persunas d’instrucziun ubain schurnalist:as. El:las nomineschan maximal 5 texts per il final als Dis da litteratura. Là han las auturas ed ils auturs la pussaivladad da preleger lur texts sin il palc. Suenter mintga prelecziun vegnan ils texts discutads publicamain d’ina segunda giuria d‘expert:as per la litteratura rumantscha. Dentant er il public ha la chaschun da votar per ses text favurit – sper il premi Term Bel principal che è dotà cun CHF 3’000 vegn numnadamain er surdà in premi dal public. Il favurit dal public gudogna CHF 1’500. Plinavant survegn mintga text che vegn en il final CHF 500. La premiaziun la dumengia suentermezdi furma il punct final dals Dis da litteratura.
Il termin d’inoltraziun è ils 9 d’avust 2026 a premi@disdalitteratura.ch
Newsletter
Contact
Per mailArchiv
| 2025 | perfRomanza | Fotografias Ddl 2025 |
| 2024 | crt&bn | Fotografias Ddl 2024 |
| 2023 | Corp | Fotografias Ddl 2023 |
| 2022 | Notg | Fotografias Ddl 2022 |
| 2021 | Giud via | Telechargiar pachet dad archiv / Fotografias Ddl 2021 |
| 2020 | Premi Term Bel (livestream) | Telechargiar pachet dad archiv |
| 2019 | (A)mar | Telechargiar pachet dad archiv / Fotografias Ddl 2019 |
| 2018 | Tranter lingias | Telechargiar pachet dad archiv / Fotografias Ddl 2018 |
| 2017 | Gieu | Telechargiar pachet dad archiv / Fotografias Ddl 2017 |
| 2016 | Rispli sin pupi | Telechargiar pachet dad archiv / Fotografias Ddl 2016 |
| 2015 | Cuntrabanda | Telechargiar pachet dad archiv |
| 2014 | Retrorumantsch | Telechargiar pachet dad archiv |
| 2013 | A la carte | Telechargiar pachet dad archiv |
| 2012 | Fantisar, fabular, raquintar … e tadlar | Telechargiar pachet dad archiv |
| 2011 | Litterenza – Scienzatura | Telechargiar pachet dad archiv |
| 2010 | Giubilar e festa far | Telechargiar pachet dad archiv |
| 1990-2010 | Giubileum | Telechargiar documentaziun |
