Ils 33avels Dis da litteratura 2024
Dis da litteratura 2024Ils Ds da lttrtra èn quest onn “crt&bn”s
Dals 2 enfin ils 3 da november han lieu en halla Tircal a Domat ils 33avels Dis da litteratura. Damai ch’il datum croda sin la festa da Numnasontga èn els uonn in zic pli “crts”. Dentant en mintga cass èn els tuttina “bns” sco usità. Per quai procuran sco mintga onn bleras prelecziuns, discussiuns e preschentaziuns – ed il Premi Term Bel, che vegn suenter in onn pausa puspè surdà.
Pretschs
Pass general: CHF 80.–, cun reducziun: CHF 60.–
Sonda entir di: CHF 50.–, cun reducziun: CHF 40.–
Bloc da mez di: CHF 20.–, cun reducziun: CHF 15.–
Infurmaziuns
Canorta per uffants sonda da las 10.15–17.30 e dumengia da las 10.00–16.0.
Sonda saira a partir da las 17.30 porscha il char da Plan-B Kitchen burgers davant la halla Tircal.
Exposzn: Il scriptur ed artist Göri Klainguti preschenta ina schelta da sias lavurs figurativas en il foyer da la halla Tircal.
Il comité d’organisaziun sa legra da far viva cun vus!
Nus infurmain era sin Instagram
Snda, 2-11-2023
| 10:15 – 10:30 | Avrtr | In crt&bn bainvegni da la presidenta da l’Uniun per la Litteratura Rumantscha Manuela Balett. |
| 10:30 – 11:00 | Sinzurs el serein dalla sera – Laute ins Klare des Abends | En ses nov cudesch da poesias
s’occuppa Arnold Spescha da la lingua.
Cun pleds persunals di el, tgi ch’el
saja e caracterisescha er in ‹ti›, in ‹nus›
u in ‹vus›.
Prelecziun: Arnold Spescha Moderaziun: Hans Fäh. |
| 11:15 – 11.45 | Palaver for ever | ‹Palaver for ever› èn texts satirics,
curts, frechs e nunusitads davart temas
dal mintgadi rumantsch e d’utrò.
Prelecziun: Roman Caviezel Moderaziun: Gabriela Holderegger. |
| 12:00 – 12:30 | Ruschun Grimantsch e Misurana | In’istorgia da fantasia umoristica
partend da fatgs reals – per pitschen
e grond.
Prelecziun: Dominique Dosch Moderaziun: Gian-Peder Gregori |
| 12:30 – 14:00 | Psa d mzdi | |
| 14:00 – 14:30 | Il Hobbit | La translaziun rumantscha congeniala
da Not Soliva. J. R. R. Tolkien avra l’isch
ad in’istorgia fantastica, captivanta
che fascinescha davent da l’emprima
lingia.
Preschentaziun: Not Soliva Moderaziun: Ralf Beer |
| 14:45 – 15:15 | Tschiera | Da l’idea al roman.
L’autura Flurina Badel en discurs cun
il professer per la litteratura e cultura
rumantscha Rico F. Valär davart il
roman ‹Tschiera› e sia genesa.
Cun prelecziun da l’actura Sra Frncsca Hrmnn. |
| 15:15 – 15.20 | Scriver litterar | Curt input da Gianna Olinda Cadonau davart il nov lavuratori ‹Scriver litterar›. |
| 15:20 – 16:00 | Psa | |
| 16:00 – 17:30 | Premi Term Bel | Prelecziun e discussiun dals texts
nominads per il Premi Term Bel.
En concurrenza èn:
‹Allas steilas: 2124› da Filipe Barata ‹Cour’es quaint› da Janic Maskos ‹Davent› da Laura Zangger ‹This is not a letter of love› da Asa Hendry Giuria sur place: Silvana Derungs, Rico F. Valär e Renzo Caduff Moderaziun: Romana Costa |
| 17:30 – 19:30 | Tschna | |
| 19:30 – 22:00 | Combo Crassira | La Pascal Gamboni Combo Crassira porta la stad en la sala da Domat. Ina narra saira da saut sut in tschiel stailì – cundida ed enzugliada scenicamain da l’actura Annina Sedlacek e l’actur David Flepp. |
| 22.00 | Br littra |
Dmnga, 3-11-2024
| 10.00 – 10.30 | Gion tgavrer | Gion ha fatg carriera sco tamburmaior
ma sto tuttina pertgirar las chauras.
Tgi sa pertge? – Paraula tradiziunala
rumantscha, raquintada da nov dad
Ursina Guldemond-Netzer ed Annalisa
Schaniel, cun illustraziuns da Cilgia
Zangger.
Prelecziun: Letizia Sonder Discurs: Karin Kohler cun Cilgia Zangger |
| 10.45 – 11.15 | Annalas da la Societad Retorumantscha | En discurs cun Andrin Büchler presentan las redacturas Barbara Cuffaro e Giuanna Caviezel la 137avla ediziun da l’annuari scientific rumantsch. |
| 11.30 – 12.15 | Sfegliar e discutar | En l’emprim roman da Flurina Badel
prenda Aita cumià dad in lieu che
n’è betg pli ses dachasa ed il
text fantastic-umoristic da Dominique
Caglia accumpagna la mattatscha
Misurana sin in viadi investigativ…
En ina runda litterara discurran Viola Cadruvi, Laura Decurtins ed Alina Müller davart il roman ‹Tschiera› da Flurina Badel (CER 2024) ed il roman ‹Ruschun Grimantsch e Misurana› da Dominique Dosch (Uniun RG 2024). |
| 12.15 – 12.20 | Scriver litterar | Curt input da Gianna Olinda Cadonau davart il nov lavuratori ‹Scriver litterar›. |
| 12.20 – 14.00 | Psa d mzdi | |
| 14.00 – 14.30 | LITTERATURA 43 | Guerra u pasch – quai è il tema da la nova ‹LITTERATURA 43›. Sin il podium discutan contribuent:as a la LITTERATURA, e l’illustratur Jon Bischoff ensemen cun la moderatura Flavia Hobi davart aspects, perspectivas ed emoziuns en connex cun quest tema pretensius. |
| 14.45 – 15.15 | Chalender Ladin | Tge fiss il territori ladin senza las
muntognas imposantas? U stuess ins
plitost sa dumandar: Tge fissan las
muntognas e tut ils pizs senza Ladin:as
e lur lingua? Ed uss s’imaginai in
‹Chalender Ladin› senza las differentas
contribuziuns che raquintan
mintgina in’istorgia.
La redactura Uorschla Natalia Caprez Brülhart preschenta il Chalender Ladin en discurs cun il artist purtretà quest onn ch’è enconuschent surtut sco scriptur. Cun Göri Klainguti. |
| 15.30 – 15.50 | Surdada Premi Term Bel | Annunzia dal text victur e surdada dal Premi Term Bel tras Ursin Fetz da la Vischnanca burgaisa Domat. |
| 15.50-16.00 | Fnzn | Pled da cumià dal comité d’organisaziun. |
Infurmaziun
Intent
Ils DDL, il «Solothurn dal:las Rumantsch:as», porschan dapi l‘onn 1990 ad autur:as, ad ami:as da la litteratura ina plattafurma ed in‘occasiun per sa scuntrar, barattar ideas e survegnir novs impuls. Mintg‘onn vegnan preschentadas e discutadas novas ovras litteraras e lavurs linguisticas entaifer in motto general. Per il solit èn reservadas la sonda e la dumengia per la litteratura, durant che las sairadas vulan integrar er autras furmas culturalas (musica, teater, cabaret) e dar ina pussaivladad da seser ensemen tar in bierin da la bar litterara. Grazia a la derasaziun tras las medias – Radiotelevisiun Svizra Rumatscha (RTR) è noss partenari da medias – vegn cuntanschì in grond public entaifer ed ordaifer il Grischun. Ils Ddl promovan pia sco event cultural explicitamain l‘identitad culturala da la Rumantschia.
Organisaziun
Il comité dals DDL, quai èn quatter Rumantsch:as che vulan mantegnair ed avanzar quest event litterar, cultural ed ussa dapi 30 onns popular. Per che las 150 valladas grischunas, lur abitant:as e lur idioms as possian scuntrar a Domat, lavura il comité cun bler idealissem e plaschair e per gronda part senza paja. L‘organisaziun tetgala dals DDL è la Uniun per la Litteratura Rumantscha (ULR); ella sustegna e promova la litteratura rumantscha a moda integrala da lectorats professiunals fin la vendita da cudeschs. Entaifer la ULR è il comité dals DDL dentant sulet respunsabel per il program, l‘organisaziun, la realisaziun e la finanziaziun dals Dis da litteratura.
Impressum
Patrunadi: Uniun per la Litteratura Rumantscha (ULR)
Comité d‘organisaziun: Sara F. Hermann, Laura Pfister, Sabrina Bundi, Carin Caduff
Creaziun: Jörger-Stauss, Annatina Nay
Programmaziun: Simon Wülser
Pressa
Concurrenza da scriver Premi Term Bel 2024Contact
Sabrina Bundi, Laura Pfister responsablas per las medias
info@disdalitteratura.ch
Archiv
| 2023 | Corp | Fotografias Ddl 2023 |
| 2022 | Notg | Fotografias Ddl 2022 |
| 2021 | Giud via | Telechargiar pachet dad archiv / Fotografias Ddl 2021 |
| 2020 | Premi Term Bel (livestream) | Telechargiar pachet dad archiv |
| 2019 | (A)mar | Telechargiar pachet dad archiv / Fotografias Ddl 2019 |
| 2018 | Tranter lingias | Telechargiar pachet dad archiv / Fotografias Ddl 2018 |
| 2017 | Gieu | Telechargiar pachet dad archiv / Fotografias Ddl 2017 |
| 2016 | Rispli sin pupi | Telechargiar pachet dad archiv / Fotografias Ddl 2016 |
| 2015 | Cuntrabanda | Telechargiar pachet dad archiv |
| 2014 | Retrorumantsch | Telechargiar pachet dad archiv |
| 2013 | A la carte | Telechargiar pachet dad archiv |
| 2012 | Fantisar, fabular, raquintar … e tadlar | Telechargiar pachet dad archiv |
| 2011 | Litterenza – Scienzatura | Telechargiar pachet dad archiv |
| 2010 | Giubilar e festa far | Telechargiar pachet dad archiv |
| 1990-2010 | Giubileum | Telechargiar documentaziun |
